Litla fjölskyldan

Jæja, nú styttist heldur betur í heimför, við meira að segja aðeins byrjuð að pakka. Þar sem við erum afburða skipulagt og ábyrgðarfullt fólk þá erum við búin að setja bækur í kassa og svona hitt og þetta smálegt til að flýta fyrir áður en alvöru fluttningar hefjast. En það kostar að vera forsjáll því að í staðinn er einhvern veginn allt í kössum hjá okkur, hihi. Eigum alveg tvær og hálfa viku eftir hér í Svíaríki en hugurinn er meira eða minna á Íslandi þessa dagana svo að það er erfitt að njóta þess að vera í fríi.
Freydís er annars bara kát, er byrjuð að fá aðeins að smakka mat, það er að segja örfáar skeiðar af barnagraut eða mauksoðinni og stappaðri kartöflu. Henni finnst grauturinn æði og gapir eftir meiru en kúgaðist þessi ósköp af kartöflunni. Mín hefur sko alveg ákveðnar skoðanir á hlutunum!
Við fórum um daginn til Helsingborgar að sækja um vegabréf fyrir Freydísi hjá íslenska konsúlnum þar. Helsingborg er mjög skemmtilega borg, miðborgin er alveg við hafið og bara mjög falleg. Ákváðum að skreppa fyrir til Helsingör, fyrst við vorum þarna, og það var nú smá upplifun. Við vorum á ferð um miðjan virkan dag en samt var alveg pakkað af Svíum sem bókstaflega hlupu um borð í ferjuna. Þegar yfir var kom var eiginlega ekkert að sjá nema risa skammta af áfengi sem búðirnar höfðu stillt upp úti á götu. Þetta gerði það að verkum aða allur miðbær Helsingör virtist flæða í áfengi þar sem önnur hver búð var áfengisbúð. Við kíktum aðeins á Kronborgina og þegar við komum til baka var búið að loka búsbúðunum og þá loksins sá maður í bæinn fyrir alkohóliseruðum Svíum og mannhæðarháum bjóstöflum, hehe. Kom þá í ljós að Helsingör er hin krúttlegasta borg sem gaman er að skoða. Freydís var í banastuði allan tíman enda fékk hún svo flotta rauða derhúfu í ferðinni að það var varla hægt annað en að brosa að henni. Sjá myndir!
Jæja, er frekar andlaus, heyrumst síðar.

Váááá, hér er heitt!!! Það er búið að vera fínt veður í allan júlí, svona um 20 stig en núna seinustu vikuna hefur hitinn verið um 30 gráður upp á hvern einasta dag og glampandi sól. Sem sagt geggjaðveður en úff, þvílíkur hiti og molla. Við leigðum okkur bíl á miðvikudaginn og erum búin að rúnta um bókstaflega allan Skáni. Byrjuðum á Söderasen þjóðgarðinn sem er skógivaxið gil, afar fallegt og sem betur fer skuggsælt Fórum svo á gististaðinn okkar, Stora Mölla, sem er eins og nafnið gefur til kynna 300 ára gömul mylla sem búið er að gera upp. Ótrúlega sæt og Reyni til mikillar gleði var meira að segja pínu kraftverk í bæjarlæknum, hihi. Bæjarlækurinn reyndist reyndar vera hæsti fossinn á Skáni, heilir 8 metrar á hæð….meira svona flúðir sem sagt! Eftir fátæklegt grill (gleymdum öllu heima) fórum við í göngutúr um nágrennið í kvöldsólinni, sáum dádýr og alles, fórum svo heim og veiddum flugur fyrir háttinn. Daginn eftir var stoppað í Englahólma og kíkt á safn og svo, að minni beiðni, stoppað í Höganes, þar sem farið var í allar helstu gler og keramík búðir. Keyptum nokkur glös, en vá, hefði getað keypt töluvert meira Á heimleiðinni komum við við í kastalanum í Landskrona. Daginn eftir var farið meðal annars í þjóðgarðinn í Dalby….fullt af flugum, og svo til Ystad á munkamarkað. Síðasta daginn okkar keyrðum við yfir á hina strönd Skáni, skoðuðum 3000ára gamla kóngagröf og stoppuðum í eplabænum Kivik þar sem má fá besta cider í heimi, namminamminamm. Enduðum á að fara á ströndina við Stenshuvud um kl5 þegar allir voru á leiðinni heim, en þá var loks orðinn bærilegur hiti….svona um 20 gráður. Tjilluðum því þar fram eftir kveldi. Freydís fékk að prófa að fara í sjóinn, var ekkert hrifin þó okkur Reyni fyndist nú sjórinn bara ansi heitur Þar er sem sagt búið að nýta bílinn vel.
Í dag var gerð rjómakaka úr öllum jarðaberjunum sem við keyptum í ferðinni og Júlla, Cassí og Stebba boðið í heimsókn og hinir Kjammabúarnir fengu svo rest heima hjá Billu seinni partinn. Jæja, Freydís vill láta sinna sér, finnst að mamma sín eigi sko ekkert að vera svona lengi í tölvunni Bæjó. Sjá nýjar myndir

Í gær var midsommarafton og einn heitasti dagur sumarsins hingað til. Við og Eiríkur skelltum okkur niður í Kulturen þar sem midsommarfirande Lundar fór fram. Marín treysti sér ekki, enda var nálægt 30 stiga hiti og hún kasólétt. Það var allt fullt af fólki á Kulturen og maður rétt komst að til að kíkja á dansinn….dönsuðum því bara aðeins fyrir utan hringinn Fyndið, ég mundi eftir öllum þessum lögum þegar ég heyrðu þau…….Tre små gummor skulle gå en gång till marknaden uti Mora….og fleiri klassísk lög. Þettar var rosa stemming, flott stöng en þó frekar lítil…Reynir var mjög svekktur, átti von á risastöng sem yrði svolítið vesen að reisa og svona, hihi…… en þessi var bara lítil og nett Allir voru með pikknikk körfur með sér, maður gat meira að segja keypt svoleiðis á staðnum með síld, kartöflum, jarðaberjum og öllu. Við vorum sko ekkert síðri, var búin að baka pönnsur um morguninn, tókum með jarðaber og rjóma og Eiríkur kom með ávaxtasalad og hallonsaft þannig að við gáfum Svíunum ekkert eftir, hehe. Freydís var samt ekkert að fíla hitann þannig að við röltum fljótlega heim á leið. Hittumst svo um kvöldið og grilluðum og höfðum það bara svakalega kósí.
Það er búið að vera alveg rosalega gott veður, hiti og sól, síðustu daga og allir búnir að taka smá lit. Hittumst einmitt í Íslendingagrilli í fyrradag á þristinum. Reynir var nýbúinn að klára, Kristinn og Hildur á leiðinni heim og allir urðu voða kátir. Reynir náði í gítarinn og við tókum að okkur að halda vöku fyrir Svíunum með stórglæsilegum söng. Þannig að það er búið að vera svolítið rót hjá Freydísi seinustu daga, sem stein sefur núna við hliðina á mér….enda rigningardagur í dag og við ætlum að taka því rólega. Svo stefnum við að því að taka bíl á næstu dögum og fara eitthvað á flakk. Set inn nokkrar midsommarmyndir Bæ í bili.

Við héldum upp á 17.júní um daginn, ehh…..sem sagt á 17.júní en hefðum reyndar betur frestað deginum um einn dag eða svo því það er búin að vera bongóblíða alla vikuna en akkurat á sautjándanum var eins og hellt væri úr fötu. Okkur leist ekkert á blikuna því við vorum búin að skipuleggja skrúðgöngu og allt…….ekki það, sem íslendingar lætur maður nú ekki fréttast um sig að rigningin hafi orðið til þess að einhverju var frestað, enda er það nú næstum eins þjóðlegt að það rigni á 17.júní eins og fá sér pulsu og kók…….hihi eða þannig. En sko, Svíþjóðarrigning er svolítið svakaleg þegar hún byrjar……vissulega rignir beint niður þannig að regnhlífar virka…..þar er að segja þar til efnið í þeim gefur sig undir flaumnum því það er eins og hellt úr fötu. Eeeen, sem betur var hætti að rigna seinni partinn og við sluppum bara alveg. Þetta var ótrúlega skemmtilegur dagur og dagskráin í anda ungmennafélaga með göngu, fjallkonu, fjöldasöng, pokahlaupi og grilli um kvöldið. Ég, Beggafjallkona og Ása sáum um daginn og heppnaðist barasta rosa vel enda getur fátt klikkað þegar skrúðgönguhljómsveitin spilar á pottlok, dómaraflautu og kökubox Sungum líka ljóðið hans pabba, Fylgdu mér, og þótti það mjög flott. En svo er bara búin að vera blíða hér í Lundi og við búin að sleikja sólina svona eins og við nennum. Endaði með því að í gær, um leið og ég var að gera grín að Fjalari fyrir að líta út eins og karfi á maganum, brann ég þessi ósköp á bakinu og varð að liggja á maganum/hliðinni í alla nótt og sit nú með kallt handklæði á bakinu, hihihi…..hmm ætti nú að vita betur en auðvelt að vera vitur eftir á! Ég var svo upptekin við að passa að Freydís væri í skugga að ég gleymdi sjálfri mér.
Reynir er búinn að skila og á eftir að verja sína ritgerð og vera andstæðingur hjá öðrum og svo er hann bara búinn, nánar til tekið á föstudaginn. Svo tekur við sumarfrí hjá honum, og okkur, þar sem hann fer svo beint að vinna þegar hann kemur heim. Erum að spá að leigja kannski bíl í dagsferð eða eitthvað sneddí, sjáum til. Bæ í bili. Hey já, einmitt, nýjar myndir líka

Nokkrar nýjar myndir, þar á meðal af nýja sófanum okkar sem við vorum að fá sendan í dag. Erum búin að selja stærri gula sófan en sá minni er ennþá eftir. Annars bara allir í stuði, Reynir alveg að verða búinn og við Freydís erum að verða leiðar á þessu rigningarveðri…..en það er líka spáð 20 stigum og sól um miðja viku þannig að við tökum gleði okkar á ný

Ætli maður geti séð á ungabörnum hvort þau eru örvhennt eða ekki? Ef svo er, þá held ég að Freydís sé örvhennt. Þegar hún uppgötvaði hnefana á sér þá var það bara vinstri hendin sem hitti á munninn í nokkra daga og núna þegar hún er að byrja að slá í hluti, þá er það aftur vinstri hendin sem tekur af skarið. Hvernig veit maður annars almennt að börn eru örvhennt? Er það bara augljóst eða sér maður það þegar þau fara að lita og svona………ég til dæmis borða með gaffalinn hægra meginn en er samt ekki örvhennt! Mhhh….smá svona pæling
Annars er allt gott að frétta héðan, Reynir farin að sjá fyrir endan á verkefnaskrifum og er því svona nett stressaður. Söngtímarnir fara að klárast hjá mér, búið að vera rosa gaman en þarf einmitt að fara niður á bókasafn í dag til að finna eitt lokalag. Við nokkrar stelpur úr Lumes ætlum að gæsa hana Katie á fimmtudaginn svo að við vorum að skipuleggja, taka upp barnahljóð sem breytist svo í lag með Ham og svo framvegis, hihi. En jæja, við Freydís ætlum í bað núna, eða ég ætla í bað og hún ætlar að sitja í stólnum sínum inni á baði á meðan Bæjó.

Set inn nokkrar sólarmyndir, þrátt fyrir rigninguna í dag og mynd af mér með styttra hár

Já eins og kemur fram að ofan þá er bongóblíða í Lundi þessa daganna….hreint út sagt frábært veður….hitinn kominn hátt í 20 stig klukkan 9 á morgnanna, sól og yndislegheit. Við erum eins og sannir Íslendingar búnir að sleikja sólina alveg eins og hægt er og því er ég orðin eins og karfi í framan. Reynir hefur sökum lærdómsanna orðið að vera inni við og er því enn mennskur í útliti. Freydísi finnst nú svona takmarkað til veðursins koma og er frekar pirruð á að vera í vagninum sínum þannig að í dag hannaði ég stórgott sólskjól með hjálp stóla, teppa og regnhlífar og snúllan unni sér vel þar undir í léttum sumarkjól. Annars er maður nú ekkert kominn með mikið sólþol ennþá þannig að maður endist ekki heilu daganna úti við……sem betur fer er spáð rigningu á morgun svo að maður fær smá pásu. Hmmm….kannski maður taki þá íbúðina aðeins í gegn, ég nenni allaveganna ekki að standa í þrifum í svona blíðu og æði frekar inn á skónum því það kemur alltaf rigningadagur að lokum og þá má standa í svoleiðis löguðu. Theó var að hringa í mig áðan, er stödd í Danmörkinni og ætlar að kíkja yfir og vera eina nótt. Það verður hreint út sagt æði að fá hana í heimsókn því óralangt síðan hef hitt hana. Við finnum okkur eitthvað að gera á morgun, þrátt fyrir leiðindaspá. Hún verður fyrst úr klúbbnum til að hitta Freydísi…..hmmm..eins gott að hún sýni á sér betri hliðina, hihihi! Fyrir þá sem hafa áhuga á að fygjast með þroska og framförum hennar þá var hún í síðustu viku fimm og hálft kíló og 60cm…..sem þýðir að hún hefur stækkað um meira en 10 cm síðan hún fæddist….sem er nú bara slatti þegar maður er svona stutt kríli. Ég er annars alltaf í dúkkó með hana þessa daganna…..klæða í kjóla og keypti svona litlar klemmur í hárið sem tolla í henni í akkurat tvær sekúndur en eru voða sætar. Bráðum fer hún að engjast of mikið um til að nenna að vera kyrr í einhverjum dúkkuleik svo að ég ætla bara að nota tækifærið núna Hey, já, verð að segja ykkur frá grillinu sem við fórum í á föstudaginn. Íslenski kórinn í Lundi hélt sumargrill að venju hjá Sverri í Hjarup og það var stórglæsilegt, enda voru Bryndís og Ása búnar að vera að leggja á borða og gera kartöflusalad allan daginn. En allaveganna að þá er kórstjórinn okkar svolítið skondinn karakter……og er í raun mun meiri karakter en hann er kórstjóri og kórinn hefur haft svona hitt og þetta út á hann að setja en þetta er nú svona áhugamannakór í meira lagi svo það skiptir nú ekki öllu máli. Hins vegar mætti hann ekki á síðustu æfingu fyrir vortónleikanna og tilkynnti svo að hann væri á Íslandi og kæmist á tónleikana……þeir voru þá náttla blásnir af og allir fúlir. En svo í grillveislunni um daginn er hann hinn sprækasti, heldur voða væmna ræðu um hvað kórinn hefur tekið miklum framförum, réttir öllum innsiglt bréf ( þar sem innihald ræðunnar er nokkurn veginn endurtekið) og afhendir svo hverjum og einum medalíu!!! Já, svona bara íþróttamanna medalíu með borða og allt þar sem stendur á I.K.L. og voða flott mynd af nótum og eitthvað svoleiðis. Þar að auki fékk aðalsprautan í kórnum hálfgerðan bikar sem var svona útgáfa af þessum medalíum!! Þetta var ekkert smá fyndið, eiginlega bara mjög gaman að þessu og mikill húmor en þetta lýsir kórstjóranum mjög vel Ég er bara sátt, fyrir svona óíþróttasinnaða manneskju eins og mig er alltaf gaman að fá medalíu. Þessi fer beint í nördaverðlaunasafnið mitt, ásamt skákbikarnum og kvennahlaupspeningunum, hihi En jæja, best að fara í bað og skola af sér skítinn…..ég er komin með svona svartar fætur eins og ég var með öll sumur sem krakki af því að labba um allt berfætt. Barfota utan strumpor och skor…….lalalalala! Bæjó

Komnar nýjar myndir, svaka sætar

Verð bara að segja ykkur svo krúttlegt sem Valdís sagði við mömmu sína um daginn. Krakkarnir hérna úti rugla sænsku og íslensku svolítið vel saman sem sést vel á þessari setningu: “Mamma, ég undra, hvert hafa allir gaflarnir tekið veg? Ég hittir ekki neinn”. Hihihi, sætt!